CMPC
STATEMENTS / அறிக்கைகள்

முதலமைச்சர் மு.க.ஸ்டாலின் அவர்களுக்கு மாற்றத்திற்கான ஊடகவியலாளர்கள் மையம் சார்பாக நன்றியை தெரிவித்துக்கொள்கிறோம்

பத்திரிகையாளர்கள் மீதான அவதூறு வழக்குகள் வாபஸ். மாற்றத்திற்கான ஊடகவியலாளர்கள் மையம் சார்பாக தமிழ்நாடு அரசுக்கு நன்றியை தெரிவித்துக்கொள்கிறோம்.

திமுக அரசு பொறுப்பேற்ற உடன், பத்திரிகையாளர்களும் முன்களப் பணியாளர்களாக கருதப்படுவார்கள் என்று முதல்  அறிவிப்பை வெளியிட்டது. அத்துடன், கொரோனா  தொற்றால் உயிரிழந்த பத்திரிகையாளர்களின் குடும்பத்திற்கு இழப்பீட்டுத்தொகையாக 10 லட்சம் ரூபாய் வழங்கப்படும் என்று அரசு அறிவித்தது.

அதேபோல் கொரோனா பெருந்தொற்று காலத்தில் களத்தில் நின்று பணியாற்றும் பத்திரிகையாளர்களுக்கு ஊக்கத்தொகையும் வழங்கப்பட்டது.

அந்த வரிசையில், கடந்த ஆட்சியில் பழிவாங்கும் நோக்கத்தோடும், கருத்துச் சுதந்திரத்தை ஒடுக்கும் வகையிலும், பத்திரிகையாளர்களுக்க எதிராக தொடரப்பட்ட வழக்குகள் திரும்ப பெறப்படும் என்று தமிழக அரசு அறிவித்தது.

அந்த அறிவிப்பை செயல்படுத்தும் வகையில் இன்று (29.07.21), செய்தி வெளியிட்டதற்காகவும், பேட்டியளித்ததற்காகவும், பல்வேறு செய்தித்தாள், வார இதழ் மற்றும் தொலைகாட்சிகளை சேர்ந்த செய்தி ஆசிரியர், வெளியீட்டாளர், அச்சிட்டவர் மற்றும் பேட்டியளித்தவர்கள் என 90 பேர் மீது தொடரப்பட்ட அவதூறு வழக்குகளை திரும்ப பெற தமிழ் நாடு முதலமைச்சர் மு.க.ஸ்டாலின் உத்தரவிட்டுள்ளார்.

தமிழக முதலமைச்சரின் இந்த நடவடிக்கை பத்திரிகை சுதந்திரத்தை பாதுகாக்கும் வகையிலும், பத்திரிகையாளர்களின் பாதுகாப்பை உறுதி செய்யும் வகையிலும் அமைந்துள்ளது.

ஜனநாயகத்தின் நான்காவது தூண் மீது தற்போது நடைபெற்று வரும் பல்வேறு தாக்குலுக்கு மத்தியில், தமிழ் நாடு அரசின் இந்த நம்பிக்கையளிக்கும் நடவடிக்கை, தமிழகத்தின் பத்திரிகையாளர்களுக்கு புதிய உட்சாகத்தை அளிக்கும் என்று கூறினால் அது மிகையாகது.

ஆகவே, தமிழகத்தின் கருத்து சுதந்திர பாரம்பரியத்தை நிலைநாட்டும் வகையில், பத்திரிகையாளர்களுக்கு எதிராக பழிவாங்கும் நோக்கிலும், அச்சுறுத்தும் நோக்கிலும் தொடரப்பட்ட வழக்குகளை திரும்ப பெற உத்தரவிட்டுள்ள தமிழ்நாடு முதலமைச்சர் மு.க.ஸ்டாலின் அவர்களுக்கு மாற்றத்திற்கான ஊடகவியலாளர்கள் மையம் சார்பாக நன்றியை தெரிவித்துக்கொள்கிறோம்.

Related posts

ஜனநாயக முறைப்படி தேர்தலை நடத்தி முடித்த தமிழ் செய்திவாசிப்பாளர் சங்கத்திற்கு மாற்றத்திற்கான ஊடகவியலாளர்கள் மையம் வாழ்த்துகளை தெரிவித்துக் கொள்கிறது

CMPC EDITOR

குமுதம் ரிப்போர்ட்டர் இதழின் விருதுநகர் மாவட்ட செய்தியாளர் கார்த்தி மீது நடத்தப்பட்டுள்ள கொலை வெறித்தாக்குதலை மாற்றத்திற்கான ஊடகவியலாளர்கள் மையம் வன்மையாக கண்டிக்கிறது.

CMPC EDITOR

பத்திரிகையாளர்களை தேசதுரோகி என்று கூறிய பாஜக தேசிய செயலாளர் எச்.ராஜாவை மாற்றத்திற்கான ஊடகவியலாளர்கள் மையம் வன்மையாக கண்டிக்கிறது

CMPC EDITOR